ਧਰਤੀ ਦੀ ਬਹਾਲੀ ਲਈ ਮੁੜ-ਨਵਿਆਉਣਯੋਗ ਊਰਜਾ ਇਕ ਸਥਾਈ ਹੱਲ
ਧਰਤ ਦਿਵਸ ‘ਤੇ ਸਾਇੰਸ ਸਿਟੀ ਵੱਲੋਂ ਮੁੜ-ਨਵਿਆਉਣਯੋਗ ਊਰਜਾ ਦੇ ਸਰੋਤਾਂ ਦੀ ਵਰਤੋਂ ਦਾ ਸੱਦਾ
ਜਲੰਧਰ, 22 ਅਪ੍ਰੈਲ 2025 ( ਦੀ ਪੰਜਾਬ ਵਾਇਰ)– ਪੁਸ਼ਪਾ ਗੁਜਰਾਲ ਸਾਇੰਸ ਸਿਟੀ ਵੱਲੋਂ ਵਿਸ਼ਵ ਧਰਤ ਦਿਵਸ 2025 ‘ਤੇ ਇਕ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ।ਇਸ ਵਾਰ ਵਿਸ਼ਵ ਧਰਤ ਦਿਵਸ ਦਾ ਸਿਰਲੇਖ “ਸਾਡੀ ਸ਼ਕਤੀ ਸਾਡੀ ਧਰਤੀ” ਜੋ ਮੁੜ-ਨਵਿਆਉਣਯੋਗ ਊਰਜਾ ਦੇ ਸਰੋਤਾਂ ਜਿਵੇ ਕਿ ਸੂਰਜੀ ਊਰਜਾ, ਹਵਾ ਅਤੇ ਊਰਜਾ ਦੇ ਰਿਵਾਇਤੀ ਸਰੋਤਾਂ ਜਿਵੇਂ ਕਿ ਕੋਲਾ ਅਤੇ ਤੇਲ ਦੀ ਘੱਟੋ-ਘੱਟ ਦੀ ਮਹੱਹਤਾ ਉਪਰ ਜ਼ੋਰ ਦਿੰਦਾ ਹੈ। ਅੱਜ ਦੇ ਦਿਨ ਦਾ ਉਦੇਸ਼ ਸਾਰਿਆਂ ਲਈ ਵਧੇਰੇ ਸਥਾਈ,ਸਾਫ਼ ਅਤੇ ਸਿਹਤਮੰਦ ਭਵਿੱਖ ਦੀ ਸਿਰਜਣਾ ਕਰਨਾ ਹੈ।
ਇਸ ਮੌਕੇ 150 ਤੋਂ ਵੱਧ ਵਿਦਿਆਰਥੀਆਂ ਅਤੇ ਅਧਿਆਪਕਾ ਨੇ ਹਿੱਸਾ ਲਿਆ। ਸਾਇੰਸ ਸਿਟੀ ਵਲੋਂ ਸਕੂਲੀ ਬੱਚਿਆਂ ਦੇ ਕਰਵਾਏ ਗਏ ਪੇਂਟਿੰਗ ਅਤੇ ਰਹਿੰਦ-ਖੁਹੂੰਦ ਤੋਂ ਚੰਗੀਆਂ ਵਰਤੋਂ ਵਾਲੀਆਂ ਚੀਜਾਂ ਦੇ ਮੁਕਾਬਲੇ ਰਾਹੀਂ ਬੱਚਿਆਂ ਨੇ ਰਚਨਾਤਮਿਕਤਾ ਰਾਹੀਂ ਵਾਤਾਵਰਣ ਦੀ ਸਾਂਭ— ਸੰਭਾਲ -ਸੰਭਾਲਣ ਦਾ ਸੱਦਾ ਦਿੱਤਾ । ਇਸ ਮੌਕੇ ਸਾਇੰਸ ਸਿਟੀ ਦੇ ਡਾਇਰੈਕਟਰ ਡਾ. ਰਾਜੇਸ਼ ਗਰੋਵਰ ਨੇ ਵਿਸ਼ਵ ਪੱਧਰ ਦੀਆਂ ਵਾਤਾਵਰਣ ਦੀਆਂ ਚੁਣੌਤੀਆਂ ਨੂੰ ਉਜ਼ਾਗਰ ਕਰਦਿਆਂ ਕਿਹਾ ਕਿ ਧਰਤ ਦਿਵਸ ‘ਤੇ ਹਰ ਸਾਲ ਇਕ ਅਰਬ ਦੇ ਕਰੀਬ ਲੋਕ ਇਸ ਗ੍ਰਹਿਆਂ ਦੀ ਸਾਂਭ-ਸੰਭਾਲ ਦੇ ਉਦੇਸ਼ ਨਾਲ ਇੱਕਠੇ ਹੁੰਦੇ ਹਨ ।ਇਹ ਦਿਨ ਸਾਨੂੰ ਇਸ ਪਾਸੇ ਵੱਲ ਪ੍ਰੇਰਿਤ ਕਰਦਾ ਹੈ ਕਿ ਸਾਨੂੰ ਧਰਤੀ ਦੀ ਬਹਾਲੀ ਲਈ ਜ਼ਰੂਰ ਯਤਨ ਕਰਨੇ ਚਾਹੀਦੇ ਹਨ, ਸਾਫ਼ ਅਤੇ ਮੁੜ-ਨਵਿਆਉਣਯੋਗ ਊਰਜਾ ਦੇ ਸਰੋਤਾਂ ਦੀ ਵਰਤੋਂ ਵੱਧਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਮੁੜ-ਨਵਿਆਉਣ ਊਰਜਾ ਸਿਰਫ਼ ਵਾਤਾਵਰਣ ਲਈ ਹੀ ਲਾਹੇਵੰਦ ਨਹੀਂ ਸਗੋ ਜਿੱਥੇ ਇਹ ਹਰੇਕ ਦੀ ਪਹੁੰਚ ਵਿਚ ਹੈ ਉੱਥੇ ਭਰੋਸੇਮੰਦ ਵੀ ਹੈ ਅਤੇ ਇਸ ਦੀ ਵਰਤੋਂ ਲਈ ਸਾਡੇ ਵੱਲੋਂ ਕੀਤੇ ਗਏ ਛੋਟੇ-ਛੋਟੇ ਯਤਨ ਵੱਡਾ ਬਦਲਾਅ ਲਿਆ ਸਕਦੇ ਹਨ।
ਸਰਦਾਰ ਸਵਰਨ ਸਿੰਘ ਰਾਸ਼ਟਰੀ ਜੈਵਿਕ ਊਰਜਾ ਇੰਸਟੀਚਿਊਟ ਦੇ ਵਿਗਿਆਨੀ ਡਾ. ਵੰਦਿਤਾ ਵਿਜੈ ਇਸ ਮੌਕੇ ਮਾਹਿਰ ਮਹਿਮਾਨ ਵਜੋਂ ਹਾਜ਼ਰ ਹੋਏ। ਉਨ੍ਹਾਂ ਨੇ ਸਾਡੀ ਸ਼ਕਤੀ-ਸਾਡੀ ਧਰਤੀ ‘ਤੇ ਆਧਾਰਤ ਬੱਚਿਆਂ ਨਾਲ ਵਿਚਾਰ ਸਾਂਝੇ ਕਰਦਿਆਂ ਮੁੜ-ਨਵਿਆਉਣ ਊਰਜਾ ਦੇ ਸਰੋਤਾਂ ਦੀ ਵਰਤੋਂ ਅਤੇ ਊਰਜਾ ਦੇ ਰਿਵਾਇਤੀ ਸਰੋਤਾਂ ਤੋਂ ਦੂਰੀ ਬਣਾਉਣ ਬਾਰੇ ਬਚਿਆਂ ਨੂੰ ਜਾਗਰੂਕ ਕੀਤਾ। ਉਨ੍ਹਾਂ ਦੱਸਿਆ ਕਿ ਮੁੜ-ਨਵਿਆਉਣਯੋਗ ਊਰਜਾ ਦੇ ਸਰੋਤ ਕਿਵੇਂ ਜਲਵਾਯੂ ਪਰਿਵਰਤਨ ਦੇ ਪ੍ਰਭਾਵਾਂ ਨੂੰ ਘਟਾ ਕੇ ਖੁਸ਼ਹਾਲ ਭਵਿੱਖ ਦੀ ਸਿਰਜਣਾ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਮੁੜ-ਨਵਿਆਉਣਯੋਗ ਊਰਜਾ ਦੇ ਸਰੋਤ ਦੀ ਵਰਤੋਂ ਹੁਣ ਸਿਰਫ਼ ਇਕ ਬਦਲ ਹੀ ਨਹੀਂ ਹੈ ਸਗੋਂ ਸਗੋਂ ਧਰਤੀ ਦੀ ਬਹਾਲੀ ਬਹੁਤ ਜ਼ਰੂਰੀ ਹੈ। ਉਨ੍ਹਾਂ ਵਿਦਿਆਰਥੀਆਂ ਨੂੰ ਜਿੱਥੇ ਊਰਜਾ ਦੀ ਸਮਝਦਾਰੀ ਨਾਲ ਵਰਤੋਂ ਕਰਨ, ਰਹਿੰਦ-ਖਹੂੰਦ ਨੂੰ ਘਟਾਉਣ ਦੀ ਅਪੀਲ ਕੀਤੀ ਉੱਥੇ ਹੀ ਵਾਤਾਵਰਣ ਅਨਕੂਲ ਅਦਾਤਾ ਪਾਉਣ ਲਈ ਪ੍ਰੇਰਿਤ ਵੀ ਕੀਤਾ। ਇਸ ਮੌਕੇ ਰਹਿੰਦ—ਖਹੂੰਦ ਤੋਂ ਚੰਗੀਆਂ ਚੀਜ਼ਾਂ ਬਣਾਉਣ ਦੇ ਮੁਕਾਬਲੇ ਵਿਚ ਕੈਂਬਰਿਜ ਇੰਟਰਨੈਸ਼ਨਲ ਸਕੂਲ ਜਲੰਧਰ ਦੀਆਂ ਗੁਰਨੂਰ ਤੇ ਸਾਨੀਆਂ ਨੇ ਪਹਿਲਾ ਇਨਾਮ ਜਿੱਤਿਆ, ਮੰਡੀ ਹਾਰਡੀਗੰਜ ਸਕੂਲ ਕਪੂਰਥਲਾ ਦੀਆਂ ਪਲਕ ਅਤੇ ਖੁਸ਼ੀ ਦੂਜੇ ਨੰਬਰ *ਤੇ ਰਹੀਆਂ ਅਤੇ ਦੇਵੀ ਸਹਾਏ ਸਕੂਲ ਜਲੰਧਰ ਦੇ ਸੁਜੀਤ ਨੇ ਤੀਜਾ ਇਨਾਮ ਜਿੱਤਿਆ। ਇਸੇ ਤਰ੍ਹਾਂ ਹੀ ਚਿੱਤਰਕਾਰੀ ਮੁਕਾਬਲੇ ਵਿਚ ਚਣਕਿਆ ਇੰਟਰਨੈਸ਼ਨਲ ਸਕੂਲ ਜਲੰਧਰ ਦੀ ਸਾਖਸ਼ੀ ਨੇ ਪਹਿਲਾ, ਮੰਡੀ ਹਾਰਡੀਗੰਜ ਸਕੂਲ ਕਪੂਰਥਲਾ ਦੀ ਰੌਸ਼ਨੀ ਨੇ ਦੂਜਾ ਅਤੇ ਸਪਰਿੰਗ ਡੇਲ ਪਬਲਿਕ ਸਕੂਲ ਕਪੂਰਥਲਾ ਦੇ ਨਵਨੀਤ ਨੇ ਤੀਸਰਾ ਇਨਾਮ ਜਿੱਤਿਆ।
