ਚੰਡੀਗੜ੍ਹ, 17 ਮਾਰਚ 2026 (ਦੀ ਪੰਜਾਬ ਵਾਇਰ)। ਪੰਜਾਬ ਸਰਕਾਰ ਦੇ ਪੇਂਡੂ ਵਿਕਾਸ ਤੇ ਪੰਚਾਇਤ ਵਿਭਾਗ ਨੇ ਪ੍ਰਬੰਧਕੀ ਹਿੱਤਾਂ ਨੂੰ ਮੁੱਖ ਰੱਖਦੇ ਹੋਏ ਬਲਾਕ ਵਿਕਾਸ ਤੇ ਪੰਚਾਇਤ ਅਫ਼ਸਰਾਂ (ਬੀ.ਡੀ.ਪੀ.ਓ), ਐਸ.ਬੀ.ਪੀ.ਓ ਅਤੇ ਸੀਨੀਅਰ ਸਹਾਇਕ (ਲੇਖਾ)/ਮੇਲਾ ਅਫ਼ਸਰ ਕਾਡਰ ਦੇ 10 ਅਧਿਕਾਰੀਆਂ ਦੀਆਂ ਬਦਲੀਆਂ ਅਤੇ ਤੈਨਾਤੀਆਂ ਕੀਤੀਆਂ ਹਨ। ਇਹ ਹੁਕਮ ਪ੍ਰਬੰਧਕੀ ਸਕੱਤਰ ਅਜਿਤ ਬਾਲਾਜੀ ਜੋਸ਼ੀ ਵੱਲੋਂ 16 ਮਾਰਚ 2026 ਨੂੰ ਜਾਰੀ ਕੀਤੇ ਗਏ ਅਤੇ 17 ਮਾਰਚ ਨੂੰ ਪ੍ਰੇਸ਼ਿਤ ਕੀਤੇ ਗਏ।
ਹੁਕਮਾਂ ਅਨੁਸਾਰ ਮਨਜੀਤ ਸਿੰਘ (ਐਸ.ਬੀ.ਪੀ.ਓ) ਨੂੰ ਬੀ.ਡੀ.ਪੀ.ਓ ਰਾਏਕੋਟ ਤੋਂ ਬਦਲ ਕੇ ਬੀ.ਡੀ.ਪੀ.ਓ ਪੱਖੋਵਾਲ, ਜਸਤਿੰਦਰ ਸਿੰਘ (ਮੇਲਾ ਅਫ਼ਸਰ) ਨੂੰ ਬੀ.ਡੀ.ਪੀ.ਓ ਢੇਹਲੋ ਤੋਂ ਬੀ.ਡੀ.ਪੀ.ਓ ਸੁਧਾਰ, ਅਤੇ ਅਸ਼ੋਕ ਕੁਮਾਰ (ਐਸ.ਬੀ.ਪੀ.ਓ) ਨੂੰ ਬਲਾਕ ਵੇਰਵਾ ਤੋਂ ਬੀ.ਡੀ.ਪੀ.ਓ ਮੇਗਾ-1 ਵਿਖੇ ਤੈਨਾਤ ਕੀਤਾ ਗਿਆ ਹੈ।
ਨਿਰਮਲ ਸਿੰਘ (ਸੀਨੀਅਰ ਸਹਾਇਕ ਲੇਖਾ) ਅਤੇ ਭੁਪਿੰਦਰ ਸਿੰਘ (ਐਸ.ਬੀ.ਪੀ.ਓ) ਨੂੰ ਤੈਨਾਤੀ ਲਈ ਉਪਲਬਧ ਹੋਣ ਕਾਰਨ ਕ੍ਰਮਵਾਰ ਬੀ.ਡੀ.ਪੀ.ਓ ਰਾਮਪੁਰਾ ਅਤੇ ਬੀ.ਡੀ.ਪੀ.ਓ ਮਾਨਸਾ ਵਿਖੇ ਚਾਰਜ ਦਿੱਤਾ ਗਿਆ ਹੈ। ਇਸੇ ਤਰ੍ਹਾਂ ਮਲਕੀਤ ਸਿੰਘ (ਸੀਨੀਅਰ ਸਹਾਇਕ ਲੇਖਾ) ਨੂੰ ਬੀ.ਡੀ.ਪੀ.ਓ ਜੰਡਿਆਲਾ ਗੁਰੂ ਵਿਖੇ ਤੈਨਾਤ ਕੀਤਾ ਗਿਆ ਹੈ।
ਯੂਸਫ਼ ਮਸੀਹ (ਐਸ.ਬੀ.ਪੀ.ਓ) ਦੀ ਕਾਨ੍ਹੂਵਾਨ ਤੋਂ ਗੁਰਦਾਸਪੁਰ ਬਦਲੀ ਕੀਤੀ ਗਈ ਹੈ। ਸਤਨਾਮ ਸਿੰਘ (ਐਸ.ਬੀ.ਪੀ.ਓ) ਨੂੰ ਪਠਾਨਕੋਟ ਵਿਖੇ ਹੀ ਬਰਕਰਾਰ ਰੱਖਿਆ ਗਿਆ ਹੈ, ਜਦੋਂਕਿ ਸਮਸੇਰ ਸਿੰਘ (ਐਸ.ਬੀ.ਪੀ.ਓ, ਬਟਾਲਾ) ਨੂੰ ਬੀ.ਡੀ.ਪੀ.ਓ ਕਪੂਰਥਲਾ ਅਤੇ ਉਦੈਪਾਲ ਸਿੰਘ (ਸੀਨੀਅਰ ਸਹਾਇਕ ਲੇਖਾ) ਨੂੰ ਬੀ.ਡੀ.ਪੀ.ਓ ਡੇਰਾਬਾਬਾ ਨਾਨਕ ਵਿਖੇ ਤੈਨਾਤ ਕੀਤਾ ਗਿਆ ਹੈ।
ਵਿਭਾਗ ਨੇ ਸਪੱਸ਼ਟ ਕੀਤਾ ਹੈ ਕਿ ਨਵੀਂ ਥਾਂ ਤੈਨਾਤ ਕੀਤੇ ਅਧਿਕਾਰੀਆਂ ਨੂੰ ਬਿਨਾਂ ਕਿਸੇ ਵਾਧੂ ਮਿਹਨਤਾਨੇ ਦੇ ਉਨ੍ਹਾਂ ਦੇ ਆਪਣੇ ਤਨਖਾਹ ਸਕੇਲ ਵਿੱਚ ਹੀ ਬੀ.ਡੀ.ਪੀ.ਓ ਦੀ ਅਸਾਮੀ ਦਾ ਚਾਰਜ ਦਿੱਤਾ ਜਾਵੇਗਾ। ਇਹ ਹੁਕਮ ਤੁਰੰਤ ਲਾਗੂ ਹੋ ਗਏ ਹਨ।
