ਗੁਰਦਾਸਪੁਰ, 23 ਜੁਲਾਈ 2025 (ਮੰਨਨ ਸੈਣੀ)। ਪਿੰਡ ਸੋਹਲ ਵਿੱਚ ਗੈਰ-ਕਾਨੂੰਨੀ ਤਰੀਕੇ ਨਾਲ ਕਲੋਨੀ ਕੱਟਣ ਦੇ ਦੋਸ਼ ਵਿੱਚ 6 ਵਿਅਕਤੀਆਂ ਖਿਲਾਫ ਮੁਕੱਦਮਾ ਦਰਜ ਕੀਤਾ ਗਿਆ ਹੈ। ਇਹ ਮੁਕੱਦਮਾ ਪੰਜਾਬ ਅਪਾਰਟਮੈਂਟ ਅਤੇ ਪ੍ਰਾਪਰਟੀ ਰੈਗੂਲੇਸ਼ਨ ਐਕਟ 1995 ਦੀਆਂ ਧਾਰਾਵਾਂ 3, 5, 6, 9, 36(1), 20, 21 ਅਤੇ ਭਾਰਤੀ ਦੰਡ ਸੰਘਟਾ (IPC) ਦੀਆਂ ਧਾਰਾਵਾਂ 420, 120-B ਦੇ ਤਹਿਤ ਦਰਜ ਕੀਤਾ ਗਿਆ ਹੈ।
ਇਹ ਕਾਰਵਾਈ ਵਧੀਕ ਡਿਪਟੀ ਕਮਿਸ਼ਨਰ (ਜਨਰਲ) ਗੁਰਦਾਸਪੁਰ ਦੇ ਹੁਕਮਾਂ ‘ਤੇ ਹੋਈ ਹੈ।
ਦੋਸ਼ੀਆਂ ਵਿੱਚ ਪਲਵਿੰਦਰ ਕੌਰ ਪਤਨੀ ਹਰਵਿੰਦਰ ਸਿੰਘ, ਹਰਵਿੰਦਰ ਸਿੰਘ ਪੁੱਤਰ ਕਰਨੈਲ ਸਿੰਘ (ਨਿਵਾਸੀ ਸੋਹਲ), ਰਤਨ ਕੌਰ ਪਤਨੀ ਮੱਖਣ ਸਿੰਘ (ਨਿਵਾਸੀ ਖਾਨ ਮੱਲਕ), ਜਤਿੰਦਰ ਕੌਰ ਪਤਨੀ ਹਰਪਿੰਦਰ ਸਿੰਘ (ਨਿਵਾਸੀ ਫਤੇ ਨੰਗਲ), ਅਮਰਦੀਪ ਕੌਰ ਪਤਨੀ ਸੁਰਿੰਦਰ ਸਿੰਘ (ਨਿਵਾਸੀ ਮੰਗਲ ਹੁਸੈਨ), ਅਤੇ ਸੁਖਮੀਤ ਕੌਰ ਪਤਨੀ ਨਿਰਵੈਰ ਸਿੰਘ (ਨਿਵਾਸੀ ਅਹਿਮਦਾਬਾਦ) ਸ਼ਾਮਲ ਹਨ।
ਪੁਲਿਸ ਮੁਤਾਬਕ, ਦੋਸ਼ੀਆਂ ਨੇ ਬਾਹਰੀ ਰਕਬੇ ਵਿੱਚ ਗੈਰ-ਕਾਨੂੰਨੀ ਤਰੀਕੇ ਨਾਲ ਕਲੋਨੀ ਕੱਟ ਕੇ ਪੰਜਾਬ ਅਪਾਰਟਮੈਂਟ ਅਤੇ ਪ੍ਰਾਪਰਟੀ ਰੈਗੂਲੇਸ਼ਨ ਐਕਟ 1995 ਦੀ ਉਲੰਘਣਾ ਕੀਤੀ। ਮਾਮਲੇ ਦੀ ਜਾਂਚ ASI ਰਣਜੀਤ ਸਿੰਘ ਦੀ ਅਗਵਾਈ ਵਿੱਚ ਜਾਰੀ ਹੈ।
