ਚੇਅਰਮੈਨ ਰਾਜੀਵ ਸ਼ਰਮਾ ਦੀ ਮਦਦ ਨਾਲ ਹੈਂਡੀਕੈਪ ਨੌਜਵਾਨ ਅਨਿਲ ਕੁਮਾਰ ਨੇ ਖੁਦ ਸ਼ੁਰੂ ਕੀਤਾ ਲਾਈਟਾਂ ਦਾ ਕੰਮ
ਇਲੈਕਟ੍ਰਾਨਿਕ ਵ੍ਹੀਲਚੇਅਰ ਅਤੇ ਮਾਲੀ ਸਹਾਇਤਾ ਤੋਂ ਬਾਅਦ ਮਿਲਿਆ ਹੌਸਲਾ, ਦੀਵਾਲੀ ਮੌਕੇ ਆਪਣੇ ਪੈਰਾਂ ’ਤੇ ਖੜ੍ਹੇ ਹੋਣ ਵੱਲ ਵਧਾਇਆ ਕਦਮ
ਗੁਰਦਾਸਪੁਰ,9 ਨਵੰਬਰ 2026 (ਮੰਨਨ ਸੈਣੀ)। ਇੰਪਰੂਵਮੈਂਟ ਟਰੱਸਟ ਦੇ ਚੇਅਰਮੈਨ ਰਾਜੀਵ ਸ਼ਰਮਾ ਵੱਲੋਂ ਲੋੜਵੰਦ ਅਤੇ ਹੈਂਡੀਕੈਪ ਨੌਜਵਾਨ ਅਨਿਲ ਕੁਮਾਰ ਦੀ ਕੀਤੀ ਜਾ ਰਹੀ ਮਦਦ ਉਸਦੇ ਲਈ ਹੌਸਲੇ ਦਾ ਵੱਡਾ ਸਹਾਰਾ ਬਣੀ ਹੈ। ਕੁਝ ਸਮਾਂ ਪਹਿਲਾਂ ਚੇਅਰਮੈਨ ਰਾਜੀਵ ਸ਼ਰਮਾ ਵੱਲੋਂ ਅਨਿਲ ਕੁਮਾਰ ਨੂੰ ਇਲੈਕਟ੍ਰਾਨਿਕ ਵ੍ਹੀਲਚੇਅਰ ਮੁਹੱਈਆ ਕਰਵਾਉਣ ਦੇ ਨਾਲ-ਨਾਲ ਮਾਲੀ ਸਹਾਇਤਾ ਵੀ ਕੀਤੀ ਗਈ ਸੀ।
ਇਸ ਮਦਦ ਤੋਂ ਹੌਸਲਾ ਲੈਂਦਿਆਂ ਅਨਿਲ ਕੁਮਾਰ ਨੇ ਹੁਣ ਦੀਵਾਲੀ ਦੇ ਮੌਕੇ ’ਤੇ ਲਾਈਟਾਂ ਦਾ ਕੰਮ ਖੁਦ ਸ਼ੁਰੂ ਕਰ ਦਿੱਤਾ ਹੈ। ਅਨਿਲ ਦਾ ਕਹਿਣਾ ਹੈ ਕਿ ਉਹ ਕਿਸੇ ’ਤੇ ਨਿਰਭਰ ਰਹਿਣ ਦੀ ਬਜਾਏ ਆਪਣੀ ਮਿਹਨਤ ਨਾਲ ਕੰਮ ਕਰਕੇ ਅੱਗੇ ਵਧਣਾ ਚਾਹੁੰਦਾ ਹੈ। ਲਾਈਟਾਂ ਦਾ ਕੰਮ ਸ਼ੁਰੂ ਕਰਨਾ ਉਸਦੀ ਇਸੇ ਕੋਸ਼ਿਸ਼ ਦੀ ਇੱਕ ਨਵੀਂ ਸ਼ੁਰੂਆਤ ਹੈ।
ਅਨਿਲ ਕੁਮਾਰ ਨੇ ਦੱਸਿਆ ਕਿ ਚੇਅਰਮੈਨ ਰਾਜੀਵ ਸ਼ਰਮਾ ਵੱਲੋਂ ਸਮੇਂ-ਸਮੇਂ ’ਤੇ ਕੀਤੀ ਗਈ ਮਦਦ ਨੇ ਉਸਨੂੰ ਅੱਗੇ ਵਧਣ ਦਾ ਹੌਸਲਾ ਦਿੱਤਾ ਹੈ। ਇਲੈਕਟ੍ਰਾਨਿਕ ਵ੍ਹੀਲਚੇਅਰ ਅਤੇ ਮਾਲੀ ਸਹਾਇਤਾ ਮਿਲਣ ਤੋਂ ਬਾਅਦ ਹੁਣ ਉਸਨੇ ਆਪਣਾ ਕੰਮ ਸ਼ੁਰੂ ਕੀਤਾ ਹੈ। ਉਸਨੇ ਚੇਅਰਮੈਨ ਰਾਜੀਵ ਸ਼ਰਮਾ ਦਾ ਦਿਲੋਂ ਧੰਨਵਾਦ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੀ ਮਦਦ ਉਸਦੇ ਲਈ ਸਿਰਫ਼ ਸਹਾਇਤਾ ਨਹੀਂ, ਸਗੋਂ ਅੱਗੇ ਵਧਣ ਦਾ ਹੌਸਲਾ ਹੈ।
ਦੀਵਾਲੀ ਦੇ ਮੌਕੇ ’ਤੇ ਅਨਿਲ ਕੁਮਾਰ ਵੱਲੋਂ ਖੁਦ ਲਾਈਟਾਂ ਦਾ ਕੰਮ ਸ਼ੁਰੂ ਕਰਨਾ ਉਸਦੇ ਆਤਮ-ਵਿਸ਼ਵਾਸ ਅਤੇ ਸਵੈ-ਨਿਰਭਰ ਬਣਨ ਦੀ ਕੋਸ਼ਿਸ਼ ਨੂੰ ਦਰਸਾਉਂਦਾ ਹੈ। ਉਸਦਾ ਇਹ ਕਦਮ ਹੋਰ ਲੋੜਵੰਦ ਨੌਜਵਾਨਾਂ ਲਈ ਵੀ ਪ੍ਰੇਰਣਾ ਬਣ ਸਕਦਾ ਹੈ।
