ਅੰਮ੍ਰਿਤਸਰ, 20 ਅਪ੍ਰੈਲ 2024 (ਦੀ ਪੰਜਾਬ ਵਾਇਰ)। ਭਾਜਪਾ ਦੀ ਆਗੂ ਅਤੇ ਸਾਬਕਾ ਮੰਤਰੀ ਲਕਸ਼ਮੀ ਕਾਂਤ ਚਾਵਲ ਦਾ ਕਿਹਣਾ ਹੈ ਕਿ ਦੇਸ਼ ਦੀਆਂ ਵੱਡੀਆਂ ਸੱਤਾਧਾਰੀ ਪਾਰਟੀਆਂ ਅਤੇ ਦੇਸ਼ ਦੇ ਕੁਝ ਵੱਡੇ ਮੀਡੀਆ ਅਦਾਰੇ ਆਪਣੀ ਸਾਰੀ ਊਰਜਾ ਅਤੇ ਸਾਰਾ ਸਮਾਂ ਇਸ ਮੁੱਦੇ ‘ਤੇ ਲਗਾ ਰਹੇ ਹਨ ਕਿ ਕੇਜਰੀਵਾਲ ਨੇ ਜੇਲ੍ਹ ‘ਚ ਅੰਬ ਖਾਧਾ ਜਾਂ ਕੇਲਾ। ਪੁਰੀ ਖਾਦੀ ਜਾਂ ਆਲੂ । ਉੰਨਾ ਕਿਹਾ ਕਿ ਇੰਝ ਲੱਗਦਾ ਹੈ ਜਿਵੇਂ ਦੇਸ਼ ਦੇ ਲੋਕਾਂ ਦੀ, ਗਰੀਬਾਂ ਦੀ, ਬਿਮਾਰਾਂ ਦੀ, ਅਨਪੜ੍ਹਾਂ ਆਦਿ ਦੀਆਂ ਸਾਰੀਆਂ ਸਮੱਸਿਆਵਾਂ ਹੱਲ ਹੋ ਗਈਆਂ ਹੋਣ।
ਦੇਸ਼ ਵਿੱਚ ਭੋਜਨ, ਸਿੱਖਿਆ ਅਤੇ ਰਿਹਾਇਸ਼ ਦੀ ਕੋਈ ਕਮੀ ਨਹੀਂ ਰਹੀ। ਇਸ ਲਈ ਹੋਰ ਵਿਸ਼ਿਆਂ ਦੀ ਘਾਟ ਕਾਰਨ, ਤਿਹਾੜ ਜੇਲ੍ਹ ਵਿੱਚ ਇੱਕ ਵਿਅਕਤੀ ਨੇ ਕੀ ਖਾਧਾ, ਇਸ ਉੱਤੇ ਸਾਰੀ ਊਰਜਾ ਕੇਂਦਰਿਤ ਕੀਤੀ ਜਾ ਰਹੀ ਹੈ। ਮੇਰੇ ਦੇਸ਼ ਦੇ ਇਨ੍ਹਾਂ ਚੋਣ ਨਾਇਕਾਂ ਨੂੰ ਇਹ ਸਵਾਲ ਹੈ ਕਿ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਦੇਸ਼ ਵਿੱਚ ਕਿੰਨੇ ਲੋਕ, ਜਿੰਨਾ ਵਿੱਚ ਖਾਸ ਕਰਕੇ ਬੱਚੇ ਹਨ, ਜਿੰਨਾ ਨੇ ਕਦੇ ਅੰਬ ਨਹੀਂ ਖਾਧਾ। ਜੇ ਕਦੇ ਮਿਲਿਆ ਹੋਵੇਗਾਂ ਤਾਂ ਭੀਖ ਤੋਂ ਅਤੇ ਜਾਂ ਕੂੜੇ ਦੇ ਢੇਰ ਵਿੱਚੋਂ ਝੂਠੇ ਛਿਲਕੇ ਚੁੱਕ ਕੇ ਅੰਬ ਦਾ ਸੁਆਦ ਚੱਖਿਆ ਹੋਵੇਗਾ। ਕਿੰਨੇ ਬੱਚੇ ਹਨ ਜੋ ਆਪਣੀ ਰੋਟੀ ਕਮਾਉਣ ਲਈ ਸਵੇਰੇ ਸੂਰਜ ਚੜ੍ਹਨ ਤੋਂ ਪਹਿਲਾਂ ਹੀ ਬਾਹਰ ਨਿਕਲ ਜਾਂਦੇ ਹਨ? ਜਿਸ ਉਮਰ ਵਿੱਚ ਉਨ੍ਹਾਂ ਦੇ ਮਾਤਾ-ਪਿਤਾ ਉਨ੍ਹਾਂ ਨੂੰ ਰੋਟੀ ਦਿੰਦੇ ਹਨ, ਉਹ ਦੁਕਾਨਾਂ ਤੋਂ ਚਾਹ ਖਰੀਦ ਕੇ ਦੂਜਿਆਂ ਨੂੰ ਪਰੋਸਣ ਲਈ ਜਾਂਦੇ ਹਨ, ਭਾਵ ਵੇਟਰ ਬਣ ਗਏ ਹੁੰਦੇ ਹਨ।
ਕਿੰਨੇ ਹੀ ਪਰਿਵਾਰ ਹਨ ਜੋ ਫੁੱਟਪਾਥ ‘ਤੇ ਜੰਮਦੇ ਹਨ ਅਤੇ ਉੱਥੇ ਹੀ ਮਰਦੇ ਹਨ ਅਤੇ ਕਿੰਨੇ ਲੋਕ ਅਜਿਹੇ ਹਨ ਜਿਨ੍ਹਾਂ ਨੂੰ ਦੋ ਵਕਤ ਦੀ ਰੋਟੀ ਨਹੀਂ ਮਿਲਦੀ, ਪਰ ਕਰੋੜਾਂ ਅਜਿਹੇ ਲੋਕ ਹਨ ਜਿਨ੍ਹਾਂ ਨੂੰ ਨਾ ਤਾਂ ਮਨੁੱਖੀ ਅਧਿਕਾਰ ਮਿਲਦੇ ਹਨ ਅਤੇ ਨਾ ਹੀ ਮਨੁੱਖ ਵਾਂਗ ਜੀਅ ਸਕਦੇ ਹਨ। ਇਸ ਲਈ ਮੈਂ ਇਨ੍ਹਾਂ ਨੇਤਾਵਾਂ ਦਾ ਧੰਨਵਾਦ ਕਰਨਾ ਚਾਹੁੰਦਾ ਹਾਂ, ਦੇਸ਼ ਅਤੇ ਲੋਕ ਹਿੱਤ ਵਿੱਚ ਇਨ੍ਹਾਂ ਨੂੰ ਲੋਕ ਹਿੱਤਾਂ ਨਾਲ ਜੁੜੀਆਂ ਗੱਲਾਂ ਕਰਨੀਆਂ ਚਾਹੀਦੀਆਂ ਹਨ ਨਾ ਕਿ ਸਿਰਫ ਚਾਰ ਦਿਨ ਦੀ ਰਾਜਨੀਤੀ ਦੀ।ਉਨ੍ਹਾਂ ਮੀਡੀਆ ਵਾਲਿਆਂ ਨੂੰ ਇਹ ਵੀ ਕਿਹਾ ਕਿ ਉਹ ਨਾ ਤਾਂ ਘੰਟਿਆਂ ਬੱਧੀ ਲੋਕਾਂ ਨੂੰ ਇਹ ਸੁਣਾਉਣ ਅਤੇ ਨਾ ਹੀ ਲੋਕਾਂ ਨੂੰ ਪ੍ਰੇਸ਼ਾਨ ਕਰਨ।
