ਦੀ ਫਾਈਨੈਂਨਸ਼ਿਅਲ ਟਾਈਮਜ਼ ਮੁਤਾਬਿਕ ਭਾਰਤ ਨੇ 10 ਅਕਤੂਬਰ ਤੱਕ ਦੀ ਦਿੱਤੀ ਆਖਰੀ ਮਿਤੀ
ਨਵੀਂ ਦਿੱਲੀ, 3 ਅਕਤੂਬਰ 2023 (ਦੀ ਪੰਜਾਬ ਵਾਇਰ)। ਭਾਰਤ ਨੇ ਕਨੇਡਾ ਨੂੰ 41 ਡਿਪਲੋਮੈਟਾਂ ਨੂੰ ਵਾਪਸ ਬੁਲਾਉਣ ਲਈ ਕਿਹਾ ਹੈ। ਦੀ ਫਾਈਨੈਂਨਸ਼ਿਅਲ ਟਾਇਮ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਖਾਲਿਸਤਾਨੀ ਅੱਤਵਾਦੀ ਨਿਜਾਰ ਦੇ ਕਤਲ ‘ਤੇ ਚੱਲ ਰਹੇ ਤਣਾਅ ਦੇ ਵਿਚਕਾਰ ਇਹ ਫੈਸਲਾ ਲਿਆ ਗਿਆ ਹੈ। ਇਨ੍ਹਾਂ ਡਿਪਲੋਮੈਟਾਂ ਨੂੰ 10 ਅਕਤੂਬਰ ਨੂੰ ਭਾਰਤ ਛੱਡਣ ਦੀ ਆਖਰੀ ਮਿਤੀ ਦਿੱਤੀ ਗਈ ਹੈ। ਰਿਪੋਰਟ ਦੇ ਅਨੁਸਾਰ, ਡੈੱਡਲਾਈਨ ਤੋਂ ਬਾਅਦ, 41 ਡਿਪਲੋਮੈਟਾ ਦੀ ਭਾਰਤ ਵਿੱਚ ਰਹਿਣ, ਛੋਟ ਅਤੇ ਹੋਰ ਲਾਭ ਬੰਦ ਕਰ ਦੇਣਗੇ। ਦੱਸਣਯੋਗ ਹੈ ਕਿ ਕਨੇਡਾ ਦੇ ਕੁਲ 62 ਡਿਪਲੋਮੈਟ ਭਾਰਤ ਵਿੱਚ ਕੰਮ ਕਰਦੇ ਹਨ ਅਤੇ 10 ਅਕਤੂਬਰ ਤੋਂ ਬਾਅਦ, ਸਿਰਫ 21 ਕੈਨੇਡੀਅਨ ਡਿਪਲੋਮੈਟਸ ਦੇਸ਼ ਵਿੱਚ ਰਹੀ ਸਕਣਗੇ।
ਇਸ ਤੋਂ ਪਹਿਲਾਂ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਸੀ ਕਿ ਅਸੀਂ ਕਨੇਡਾ ਨੂੰ ਸਪੱਸ਼ਟ ਤੌਰ ਤੇ ਦੱਸਿਆ ਹੈ ਕਿ ਡਿਪਲੋਮੈਟਾਂ ਦੀ ਗਿਣਤੀ ਦੋਵਾਂ ਦੇਸ਼ਾਂ ਵਿਚ ਬਰਾਬਰ ਹੋਣੀ ਚਾਹੀਦੀ ਹੈ। ਜੋ ਵੀਏਨਾ ਕਨਵੇਂਸ਼ਨ ਤਹਿਤ ਜ਼ਰੂਰੀ ਹੈ। ਦੱਸਣਯੋਗ ਹੈ ਕਿ 18 ਸਤੰਬਰ ਨੂੰ, ਕਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਭਾਰਤ ਸਰਕਾਰ ਤੇ ਖਾਲਿਸਤਾਨੀ ਅੱਤਵਾਦੀ ਨਿਜਾਰ ਦੇ ਕਤਲ ਵਿੱਚ ਸ਼ਮੂਲੀਅਤ ਕਰਨ ਵਿੱਚ ਦੋਸ਼ ਲਾਏ ਸਨ। ਇਸ ਤੋਂ ਬਾਅਦ, ਉਨ੍ਹਾਂ ਭਾਰਤ ਦੇ ਇੱਕ ਡਿਪਲੋਮੈਟ ਨੂੰ ਵੀ ਕੱਢ ਦਿੱਤਾ ਸੀ।
ਕਨੇਡਾ ਦੀ ਇਸ ਕਾਰਵਾਈ ਦਾ ਜਵਾਬ ਦੇਣ ਨਾਲ ਭਾਰਤ ਨੇ ਆਪਣੇ ਡਿਪਲੋਮੈਟਾਂ ਨੂੰ ਵੀ ਦੇਸ਼ ਛੱਡਣ ਲਈ ਕਿਹਾ। ਇਸ ਤੋਂ ਬਾਅਦ, ਭਾਰਤ ਨੇ ਕੈਨੇਡੀਅਨ ਨਾਗਰਿਕਾਂ ਲਈ ਵੀਜ਼ਾ ਸੇਵਾਵਾਂ ਬੰਦ ਕਰ ਦਿੱਤੀਆਂ।
26 ਸਤੰਬਰ ਨੂੰ, ਵਿਦੇਸ਼ ਮੰਤਰੀ ਜੈ ਸ਼ੰਕਰ ਨੇ ਸੰਯੁਕਤ ਰਾਸ਼ਟਰ ਵਿੱਚ ਭਾਸ਼ਣ ਦਿੱਤਾ ਸੀ। ਜਿਸ ਵਿੱਚ ਉਨ੍ਹਾਂ ਕਨੈਡਾ ਦਾ ਨਾਮ ਲਏ ਬਿਨਾਂ ਕਿਹਾ ਸੀ ਕਿ ਰਾਜਨੀਤੀ ਲਈ ਅੱਤਵਾਦ ਨੂੰ ਉਤਸ਼ਾਹਤ ਕਰਨਾ ਗਲਤ ਹੈ। ਸਾਡਾ ਮੰਨਣਾ ਹੈ ਕਿ ਪ੍ਰਭੂਸੱਤਾ ਦਾ ਆਦਰ ਜ਼ਰੂਰੀ ਹੈ, ਪਰ ਇਸ ਸਨਮਾਨ ਨੂੰ ਚੁਣਿਆ ਨਹੀਂ ਜਾਣਾ ਚਾਹੀਦਾ। ਅੱਤਵਾਦ ‘ਤੇ ਕਾਰਵਾਈ, ਕੱਟੜਪੰਥੀ ਅਤੇ ਹਿੰਸਾ ਨੂੰ ਰਾਜਨੀਤਿਕ ਸਹੂਲਤਾਂ ਦੇ ਅਨੁਸਾਰ ਨਹੀਂ ਲੈਣਾ ਚਾਹੀਦਾ।
ਇਸ ਤੋਂ ਬਾਅਦ, ਜੈ ਸ਼ੰਕਰ ਨੇ ਕੈਨੇਡਾ ਨਾਲ ਵਿਦੇਸ਼ੀ ਸੰਬੰਧਾਂ ਲਈ ਵਿਚਾਰ ਵਟਾਂਦਰੇ ਵਿਚ ਕੈਨੇਡਾ ਨਾਲ ਗੱਲਬਾਤ ਕਰਦਿਆਂ ਵੀ ਬਹੁਤ ਸਾਰੇ ਪ੍ਰਸ਼ਨਾਂ ਦੇ ਉੱਤਰ ਦਿੱਤੇ ਸਨ। ਜਿਸ ਵਿੱਚ ਉਨ੍ਹਾਂ ਕਿਹਾ ਸੀ ਕਿ ਵੱਖਵਾਦੀ ਤਾਕਤਾਂ ਨਾਲ ਸਬੰਧਤ ਅਪਰਾਧ ਕਨੇਡਾ ਵਿੱਚ ਪ੍ਰਫੁੱਲਤ ਹੋ ਰਿਹਾ ਹੈ। ਜੈਸ਼ਾਕਰ ਨੇ ਕਿਹਾ ਸੀ ਕਿ ਕਨੇਡਾ ਵਿੱਟ ਸਾਡੀ ਡਿਪਲੋਮੈਟ ਨੂੰ ਡਰਾਇਆ ਜਾਂਦਾ ਹੈ ਸਾਡੇ ਕੌਂਸਲੇਟ ਤੇ ਹਮਲੇ ਹੁੰਦੇ ਹਨ ਅਤੇ ਇਹ ਕਹਿ ਕੇ ਉਨ੍ਹਾਂ ਸਾਰਿਆਂ ਨੂੰ ਜਾਇਜ਼ ਠਹਿਰਾਇਆ ਜਾਂਦਾ ਹੈ ਕਿ ਲੋਕਤੰਤਰ ਵਿੱਚ ਇਹ ਉਹੀ ਹੁੰਦਾ ਹੈ।
