ਸੈਣੀ ਸਭਾ ਗੁਰਦਾਸਪੁਰ ਵੱਲੋਂ UPSC ਦੀ ਪ੍ਰਿਖਿਆ ਪਾਸ ਕਰਨ ਵਾਲੀ ਹਰਪ੍ਰੀਤ ਕੌਰ ਸੈਣੀ ਨੂੰ ਕੀਤਾ ਗਿਆ ਸਨਮਾਨਿਤ
ਗੁਰਦਾਸਪੁਰ,18 ਜੁਲਾਈ 2023 (ਦੀ ਪੰਜਾਬ ਵਾਇਰ)। ਸੈਣੀ ਸਭਾ ਗੁਰਦਾਸਪੁਰ ਵੱਲੋਂ ਪ੍ਰਧਾਨ ਬਖਸ਼ੀਸ਼ ਸਿੰਘ ਸੈਣੀ ਦੀ ਅਗਵਾਈ ਹੇਠ ਯੂਪੀਐਸਸੀ ਦੀ ਪ੍ਰਿਖਿਆ ਪਾਸ ਕਰਨ ਵਾਲੀ ਹਰਪ੍ਰੀਤ ਕੌਰ ਸੈਣੀ ਨੂੰ ਸਨਮਾਨਿਤ ਕੀਤਾ ਗਿਆ। ਸੈਣੀ ਸਭਾ ਗੁਰਦਾਸਪੁਰ ਦੇ ਮੈਂਬਰ ਪਿੰਡ ਨਾਨੋਵਾਲ ਖੁਰਦ ਦੇ ਮਾਸਟਰ ਕਰਨੈਲ ਸਿੰਘ ਸੈਣੀ ਦੇ ਗ੍ਰਹਿ ਵਿਖੇ ਪਹੁੰਚੇ ਅਤੇ ਹਰਪ੍ਰੀਤ ਕੌਰ ਸੈਣੀ ਨੂੰ ਸਨਮਾਨ ਚਿੰਨ ਭੇਂਟ ਕੀਤਾ।
ਦੱਸਣਯੋਗ ਹੈ ਕਿ ਪਿਛਲੇ ਦਿਨੀਂ ਮਾਸਟਰ ਕਰਨੈਲ ਸਿੰਘ ਸੈਣੀ ਦੇ ਵੱਡੇ ਸਪੁੱਤਰ ਰਿਟਾ. ਸੂਬੇਦਾਰ ਬਲਕਾਰ ਸਿੰਘ ਸੈਣੀ ਦੀ ਪੁੱਤਰੀ ਹਰਪ੍ਰੀਤ ਕੌਰ ਸੈਣੀ ਨੇ ਯੂਨੀਅਨ ਪਬਲਿਕ ਸਰਵਿਸ ਦੀ ਪ੍ਰੀਖਿਆ ਪਾਸ ਕਰਕੇ ਭਾਰਤੀ ਜੰਗਲਾਤ ਵਿਭਾਗ ਵਿਚ ਬਤੌਰ ਸੀਨੀਅਰ ਅਧਿਕਾਰੀ ਭਰਤੀ ਹੋਈ ਹੈ। ਇਸ ਸਬੰਧੀ ਬਖਸ਼ੀਸ਼ ਸੈਣੀ ਨੇ ਦੱਸਿਆ ਕਿ ਇਹ ਪ੍ਰਾਪਤੀ ਹਰਪ੍ਰੀਤ ਕੌਰ ਦੀ ਅਣਥੱਕ ਮਿਹਨਤ ਦਾ ਨਤੀਜਾ ਹੈ ਜੋ ਕਿ ਉਸਨੇ ਪਿਛਲੇ ਚਾਰ ਸਾਲਾਂ ਦੋਰਾਨ ਕੀਤੀ। ਉਨ੍ਹਾਂ ਕਿਹਾ ਕਿ ਸੂਬੇਦਾਰ ਬਲਕਾਰ ਸਿੰਘ ਸੈਣੀ ਲਈ ਅਤੇ ਪੂਰੇ ਸੈਣੀ ਸਮਾਜ ਲਈ ਵੀ ਇਹ ਬਹੁਤ ਮਾਣ ਵਾਲੀ ਗੱਲ ਹੈ। ਜਿਸ ਤੇ ਸੈਣੀ ਸਮਾਜ ਨੂੰ ਮਾਨ ਹੈ। ਉਨ੍ਹਾ ਕਿਹਾ ਕਿ ਸੈਣੀ ਸਭਾ ਸਮਾਜ ਜਿੱਥੇ ਜਰੂਰਤਮੰਦ ਦੀ ਮਦਦ ਕਰਦਾ ਹੈ ਉਥੇ ਹੀ ਸਮਾਜ ਵਿੱਚ ਸੈਣੀ ਸਮਾਜ ਦਾ ਨਾਮ ਰੌਸ਼ਨ ਕਰਨ ਵਾਲੇ ਦਾ ਸਨਮਾਨ ਵੀ ਕਰਦਾ ਹੈ।
ਇਸ ਮੌਕੇ ਤੇ ਸੈਣੀ ਸਭਾ ਗੁਰਦਾਸਪੁਰ ਵੱਲੋ ਮਲਕੀਅਤ ਸਿੰਘ ਸੈਣੀ, ਧਰਮ ਸਿੰਘ ਸੈਣੀ, ਪਰਮਜੀਤ ਸਿੰਘ ਸੈਣੀ, ਕਰਮ ਸਿੰਘ ਸੈਣੀ, ਜਰਨੈਲ ਸਿੰਘ ਸੈਣੀ ਅਤੇ ਸਭਾ ਦੇ ਖਜ਼ਾਨਚੀ ਬਲਜਿੰਦਰ ਸੈਣੀ ਜੋ ਕਿ ਲੜਕੀ ਦੇ ਚਾਚਾ ਵੀ ਹਨ ਅਤੇ ਸਾਰਿਆਂ ਨੇ ਮਿਲ ਕੇ ਅਰਦਾਸ ਕੀਤੀ ਕਿ ਆਉਣ ਵਾਲੇ ਸਮੇਂ ਵਿੱਚ ਹਰਪ੍ਰੀਤ ਕੌਰ ਦਿਨ-ਰਾਤ ਦੁੱਗਣੀ ਤਰੱਕੀ ਕਰਕੇ ਮਾਤਾ ਪਿਤਾ ਅਤੇ ਸੈਣੀ ਕੌਮ ਦਾ ਨਾਮ ਉੱਚਾ ਕਰੋ।
