ਗੁਰਦਾਸਪੁਰ, 31 ਜਨਵਰੀ (ਮੰਨਣ ਸੈਣੀ)। ਆਈ.ਟੀ.ਆਈ ਕਲੋਨੀ ਨੇੜੇ ਪ੍ਰਬੋਧ ਚੰਦਰ ਨਗਰ ‘ਚ ਦੁਕਾਨ ਦੇ ਸਾਹਮਣੇ ਪਏ ਖੋਖੇ ਨੂੰ ਹਟਾਉਣ ਨੂੰ ਲੈ ਕੇ ਹੋਏ ਝਗੜੇ ‘ਚ ਚਾਰ ਵਿਅਕਤੀਆਂ ਨੇ ਹਮਲਾ ਕਰਕੇ ਇਕ ਨੂੰ ਗੰਭੀਰ ਜ਼ਖਮੀ ਕਰ ਦਿੱਤਾ। ਥਾਣਾ ਸਿਟੀ ਪੁਲੀਸ ਨੇ ਮੁਲਜ਼ਮ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ।
ਇਹ ਮਾਮਲਾ ਹਰਮਿੰਦਰ ਸਿੰਘ ਪੁੱਤਰ ਨਰਿੰਦਰਜੀਤ ਸਿੰਘ ਵਾਸੀ ਆਈਟੀਆਈ ਕਲੋਨੀ ਦੀ ਸ਼ਿਕਾਇਤ ਤੇ ਵਿਸ਼ਾਲ ਕੁਮਾਰ ਉਰਫ ਵਿੱਕਾ ਪੁੱਤਰ ਤਰਸੇਮ ਲਾਲ,ਸੁਮਿਤ ਕੁਮਾਰ ਪੁੱਤਰ ਵਿਸ਼ਾਲ ਕੁਮਾਰ,ਰਮਨ ਕੁਮਾਰ ਪੁੱਤਰ ਤਰਸੇਮ ਲਾਲ,ਵਿਸ਼ਾਲ ਕੁਮਾਰ ਦਾ ਦੂਸਰਾ ਲੜਕਾ ਸਾਰੇ ਵਾਸੀਆਨ ਆਈ.ਟੀ.ਆਈ ਕਲੋਨੀ ਨੇੜੇ ਪ੍ਰਬੋਧ ਚੰਦਰ ਨਗਰ ਗੁਰਦਾਸਪੁਰ ਖਿਲਾਫ਼ ਦਰਜ਼ ਕੀਤਾ ਗਿਆ ਹੈ।
ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ 06 ਜਨਵਰੀ.2023 ਨੂੰ ਉਕਤ ਦੌਸ਼ੀਆਂ ਨੇ ਦੁਕਾਨ ਅੱਗੋਂ ਖੋਖਾ ਹਟਾਉਣ ਦੀ ਰੰਜਿਸ਼ ਦੇ ਤਹਿਤ ਸੱਟਾ ਲਗਾਈਆ ਅਤੇ ਹਮਲਾ ਕਰਕੇ ਜ਼ਖ਼ਮੀ ਕਰ ਦਿੱਤਾ। ਉਸ ਦੀ ਪਤਨੀ ਸਲਵਿੰਦਰ ਕੌਰ ਅਤੇ ਚਾਚਾ ਪ੍ਰਦੀਪ ਸੈਣੀ ਉਸ ਨੂੰ ਇਲਾਜ ਲਈ ਨਿੱਜੀ ਹਸਪਤਾਲ ਲੈ ਗਏ। ਜਿੱਥੇ ਉਹ ਮੁੱਢਲੀ ਸਹਾਇਤਾ ਤੋਂ ਬਾਅਦ ਘਰ ਵਾਪਸ ਆ ਗਿਆ। ਅਗਲੇ ਦਿਨ ਉਸ ਦੇ ਸਿਰ ਦੇ ਪਿਛਲੇ ਹਿੱਸੇ ਵਿੱਚ ਤੇਜ਼ ਦਰਦ ਹੋਣ ਲੱਗਾ। ਇਸ ਕਾਰਨ ਉਸ ਦੇ ਦੋਸਤ ਪਵਨ ਕੁਮਾਰ ਨੇ ਉਸ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਦਾਖਲ ਕਰਵਾਇਆ। ਸਿਵਲ ਹਸਪਤਾਲ ਵਿੱਚ ਡਾਕਟਰ ਨੇ ਉਸ ਦੇ ਚਾਰ ਥਾਵਾਂ ’ਤੇ ਸੱਟਾਂ ਹੋਣ ਬਾਰੇ ਦੱਸਿਆ, ਜਿਨ੍ਹਾਂ ਵਿੱਚੋਂ ਇੱਕ ਦਾ ਐਕਸਰੇ ਹੇਠ ਲਿਖਿਆ ਹੋਇਆ ਸੀ। ਮੈਡੀਕਲ ਬੋਰਡ ਦੀ ਰਿਪੋਰਟ ਮੁਤਾਬਕ ਇਕ ਦੀ ਸੱਟ ਗੰਭੀਰ ਦੱਸੀ ਗਈ ਹੈ। ਮਾਮਲੇ ਦੇ ਜਾਂਚ ਅਧਿਕਾਰੀ ਏਐਸਆਈ ਜੈ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮਾਂ ਦੀ ਭਾਲ ਵਿੱਚ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਨੂੰ ਜਲਦੀ ਹੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ
