ਪ੍ਰਾਪਰਟੀ ਐਸੋਈਏਸ਼ਨ ਦੇ ਮੁਜ਼ਾਹਿਰੇ ਦੇ ਚੱਲਦੀਆਂ ਸਰਕਾਰ ਨੂੰ ਹੋਇਆ ਲੱਖਾ ਦਾ ਨੁਕਸਾਨ, ਨਹੀਂ ਹੋਈ ਗੁਰਦਾਸਪੁਰ ਅੰਦਰ ਕੋਈ ਰਜਿਸਟਰੀ

ਗੁਰਦਾਸਪੁਰ, 8 ਅਗਸਤ (ਮੰਨਣ ਸੈਣੀ)। ਸੋਮਵਾਰ ਨੂੰ ਗੁਰਦਾਸਪੁਰ ਪ੍ਰਾਪਰਟੀ ਐਸੋਸੀਏਸ਼ਨ ਵੱਲੋ ਕੀਤੇ ਗਏ ਮੁਜ਼ਾਹਿਰੇ ਦੇ ਚਲਦੀਆਂ ਮਾਲ ਵਿਭਾਗ ਦਾ ਸਾਰਾ ਕੰਮ ਕਾਜ ਪੂਰੀ ਤਰ੍ਹਾਂ ਠੱਪ ਰਿਹਾ। ਇਹ ਮੁਜ਼ਾਹਿਰਾਂ ਪ੍ਰਧਾਨ ਜੇ. ਪੀ ਸਿੰਘ ਦੀ ਪ੍ਰਧਾਨਗੀ ਹੇਠ ਗੁਰਦਾਸਪੁਰ ਵਿਖੇ ਜ਼ਿਲ੍ਹਾ ਪੱਧਰ ਤੇ ਉਲਿਕਿਆ ਗਿਆ। ਜਿਸ ਤਹਿਤ ਡੀਲਰਾਂ ਵੱਲੋ ਆਪਣੀਆਂ ਦੁਕਾਨਾਂ ਬੰਦ ਰੱਖਿਆਂ ਗਈਆਂ | ਇਸ ਸ਼ਾਂਤਮਈ ਮੁਜ਼ਾਹਰਾ ਜ਼ਿਲ੍ਹੇ ਦੇ ਅਧੀਨ ਪੈਂਦੇ ਹਰ ਤਹਿਸੀਲ ਦਫ਼ਤਰ ਵਿੱਚ ਕੀਤਾ ਗਿਆ, ਜਿਸ ਤਹਿਤ ਅੱਜ ਕੋਈ ਵੀ ਨਵੀਂ ਰਜਿਸਟਰੀ ਨਹੀਂ ਹੋਣ ਦਿੱਤੀ ਗਈ।

ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਰਾਹੁਲ ਉੱਪਲ ਨੇ ਕਿਹਾ ਕਿ ਅਸੀਂ ਸ਼ਾਂਤਮਈ ਢੰਗ ਨਾਲ ਰੋਸ ਪ੍ਰਦਰਸ਼ਨ ਕਰਾਂਗੇ, ਕਿਸੇ ਵੀ ਸਰਕਾਰੀ ਜਾਂ ਗੈਰ-ਸਰਕਾਰੀ ਜਾਇਦਾਦ ਨੂੰ ਨੁਕਸਾਨ ਨਹੀਂ ਪਹੁੰਚਾਇਆ ਜਾਵੇਗਾ। ਸਰਕਾਰ ਜਾਣਬੁੱਝ ਕੇ ਸਾਨੂੰ ਪ੍ਰੇਸ਼ਾਨ ਕਰ ਰਹੀ ਹੈ, ਨਹੀਂ ਤਾਂ ਸਾਡੀ ਕੋਈ ਵੀ ਮੰਗ ਨਾਜਾਇਜ਼ ਨਹੀਂ ਹੈ।

ਇਸ ਮੌਕੇ ਤੇ ਉਪ ਪ੍ਰਧਾਨ ਆਸ਼ੀਸ਼ ਗੁਪਤਾ (ਬੱਬੂ) ਨੇ ਕਿਹਾ ਕਿ ਸਾਡੀ ਮੰਸ਼ਾ ਲੋਕਾਂ ਦੇ ਟੈਕਸਾਂ ਨਾਲ ਖਰੀਦੀ ਕਿਸੇ ਵੀ ਸਰਕਾਰੀ ਮਸ਼ੀਨਰੀ ਨੂੰ ਨੁਕਸਾਨ ਪਹੁੰਚਾਉਣਾ ਨਹੀਂ ਹੈ, ਅਸੀਂ ਸਿਰਫ ਸਰਕਾਰ ਤੋਂ ਇਨਸਾਫ਼ ਦੀ ਮੰਗ ਕਰ ਰਹੇ ਹਾਂ। ਸਰਕਾਰ ਦੇ ਆਗੂਆਂ ਤੋਂ ਲੈ ਕੇ ਜ਼ਿਲ੍ਹਾ ਸੁਪਰਡੈਂਟ ਤੱਕ ਸਾਰੇ ਸਰਕਾਰੀ ਮੁਲਾਜ਼ਮਾਂ ਨੂੰ ਵਾਰ-ਵਾਰ ਆਪਣੇ ਮੰਗ ਪੱਤਰ ਦੇ ਚੁੱਕੇ ਹਾਂ ਪਰ ਸਰਕਾਰ ਦੇ ਕੰਨਾਂ ‘ਤੇ ਜੂੰ ਤੱਕ ਨਹੀਂ ਸਰਕੀ। ਇਸ ਲਈ ਹੁਣ ਪੰਜਾਬ ਭਰ ਵਿੱਚ ਜਾਇਦਾਦ ਨਾਲ ਸਬੰਧਤ ਹਰ ਕਾਰੋਬਾਰੀ ਇਸ ਸੰਘਰਸ਼ ਨੂੰ ਜਾਰੀ ਰੱਖਣਗੇ, ਜਦੋਂ ਤੱਕ ਸਾਡੀਆਂ ਮੰਗਾਂ ਨਹੀਂ ਮੰਨ ਲਈਆਂ ਜਾਂਦੀਆਂ।

ਦੱਸਣਯੋਗ ਹੈ ਕਿ ਗੁਰਦਾਸਪੁਰ ਵਿੱਚ ਨਵੇਂ ਤਹਿਸੀਲ ਦਫ਼ਤਰ ਦੇ ਨਾਲ-ਨਾਲ ਪੁਰਾਣੇ ਤਹਿਸੀਲ ਦਫ਼ਤਰ ਨੂੰ ਵੀ ਬੰਦ ਰੱਖਿਆ ਗਿਆ, ਜਿਸ ਵਿੱਚ ਵਸੀਕਾ ਨਵੀਸ ਯੂਨੀਅਨ ਨੇ ਵੀ ਪੂਰਾ ਸਹਿਯੋਗ ਦਿੱਤਾ ਅਤੇ ਕਿਸੇ ਵੱਲੋਂ ਕੋਈ ਕਾਗਜ਼ੀ ਕਾਰਵਾਈ ਨਹੀਂ ਕੀਤੀ ਗਈ।

ਐਸੋਸੀਏਸ਼ਨ ਦੀ ਸਰਕਾਰ ਤੋਂ ਮੰਗ ਹੈ ਕਿ ਇਸ ਮਸਲੇ ਦਾ ਜਲਦੀ ਤੋਂ ਜਲਦੀ ਹੱਲ ਕੀਤਾ ਜਾਵੇ ਨਹੀਂ ਤਾਂ ਸੰਘਰਸ਼ ਨੂੰ ਹੋਰ ਤੇਜ਼ ਕੀਤਾ ਜਾਵੇਗਾ। ਇਸ ਰੋਸ਼ ਪ੍ਰਦਰਸ਼ਨ ਵਿੱਚ, ਗੁਰਦਾਸਪੁਰ ਪ੍ਰਾਪਰਟੀ ਐਸੋਸੀਏਸ਼ਨ ਦੇ ਜਿੰਮੀ ਅਤੇ ਮਨਜੋਤ ਸਿੰਘ , ਪ੍ਰਿੰਸ, ਸ਼੍ਰੀ ਅਸ਼ੋਕ, ਅਜੇ ਮਹਾਜਨ (ਬੰਟੀ), ਭਾਵੁਕ, ਮੁਕੇਸ਼ ਨੰਦਾ , ਰਿਸ਼ੂ, ਸੋਨੂੰ ਖਾਲਸਾ, ਵਿੱਕੀ, ਗੁਰਦਾਸਪੁਰ ਪ੍ਰਾਪਰਟੀ ਦੇ ਅਮਿਤ। ਐਸੋਸੀਏਸ਼ਨ, ਨੀਲਮ ਬਾਜਵਾ, ਗੁਰਪ੍ਰੀਤ ਸਿੰਘ, ਗਗਨ, ਚਿੰਟੂ ਕੋਹਲੀ, ਦੀਪਕ, ਲਾਡੀ, ਬੋਧਰਾਜ ਦਿਲਪ੍ਰੀਤ ਆਦਿ ਸਮੂਹ ਮੈਂਬਰਾਂ ਸਮੇਤ ਭਾਰੀ ਗਿਣਤੀ ‘ਚ ਪਹੁੰਚੇ ਅਤੇ ਸਰਕਾਰ ਖਿਲਾਫ ਨਾਅਰੇਬਾਜ਼ੀ ਕਰਕੇ ਰੋਸ ਪ੍ਰਗਟ ਕੀਤਾ।

ਹਾਲਾਕਿ ਬਾਅਦ ਵਿੱਚ ਐਸੋਸਿਏਸ਼ਨ ਦੇ ਮੈਂਬਰਾਂ ਦਾ ਕਹਿਣਾ ਹੈ ਕਿ ਰਾਜ ਸਭਾ ਸੰਸਦ ਸੰਜੀਵ ਅਰੋੜਾ ਵੱਲੋਂ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨਾਲ ਗੱਲ ਕੀਤੀ ਗਈ ਹੈ ਅਤੇ ਉਨ੍ਹਾਂ ਭਰੋਸਾ ਦਿੱਤਾ ਹੈ ਕਿ ਉਹ 15 ਅਗਸਤ ਤੋਂ ਬਾਅਦ ਐਸੋਸਿਏਸ਼ਨ ਦੇ ਮੈਂਬਰਾਂ ਨੂੰ ਮਿਲਣਗੇ। ਇਸ ਲਈ ਉਨ੍ਹਾਂ ਵੱਲੋ 15 ਅਗਸਤ ਤੱਕ ਧਰਨੇ ਦੀ ਲੜੀ ਨੂੰ ਰੋਕ ਲਿਆ ਗਿਆ ਹੈ।

Print Friendly, PDF & Email
www.thepunjabwire.com Contact for news and advt :-9814147333