ਆਰਬੀਆਈ ਨੇ ਵਿਆਜ ਦਰ 5.25% ‘ਤੇ ਬਣਾਈ ਰੱਖੀ
2025 ਵਿੱਚ ਚਾਰ ਵਾਰ ਕੀਤੀ ਗਈ ਸੀ ਕਟੌਤੀ
ਨਵੀਂ ਦਿੱਲੀ, 8 ਅਪ੍ਰੈਲ 2026 (ਦੀ ਪੰਜਾਬ ਵਾਇਰ) । ਇਸ ਵਾਰ, ਰੈਪੋ ਰੇਟ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਇਸਨੂੰ 5.25% ‘ਤੇ ਰੱਖਿਆ ਗਿਆ ਹੈ। ਇਸਦਾ ਮਤਲਬ ਹੈ ਕਿ ਕਰਜ਼ੇ ਹੋਰ ਮਹਿੰਗੇ ਨਹੀਂ ਹੋਣਗੇ ਅਤੇ ਈਐਮਆਈ ਨਹੀਂ ਵਧੇਗੀ। ਆਰਬੀਆਈ ਦੇ ਗਵਰਨਰ ਸੰਜੇ ਮਲਹੋਤਰਾ ਨੇ 8 ਅਪ੍ਰੈਲ ਨੂੰ ਮੁਦਰਾ ਨੀਤੀ ਕਮੇਟੀ ਦੀ ਮੀਟਿੰਗ ਵਿੱਚ ਲਏ ਗਏ ਫੈਸਲਿਆਂ ਬਾਰੇ ਜਾਣਕਾਰੀ ਦਿੱਤੀ। ਇਸ ਤੋਂ ਪਹਿਲਾਂ ਪਹਿਲਾਂ, ਫਰਵਰੀ ਵਿੱਚ ਵੀ ਰੈਪੋ ਰੇਟ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਸੀ।
ਦਸੰਬਰ ਵਿੱਚ, ਆਰਬੀਆਈ ਨੇ ਵਿਆਜ ਦਰ 0.25% ਘਟਾ ਕੇ 5.25% ਕਰ ਦਿੱਤੀ। ਜਿਸ ਦਰ ‘ਤੇ ਆਰਬੀਆਈ ਬੈਂਕਾਂ ਨੂੰ ਕਰਜ਼ਾ ਦਿੰਦਾ ਹੈ ਉਸਨੂੰ ਰੈਪੋ ਰੇਟ ਕਿਹਾ ਜਾਂਦਾ ਹੈ। ਜਦੋਂ ਆਰਬੀਆਈ ਰੈਪੋ ਰੇਟ ਘਟਾਉਂਦਾ ਹੈ, ਤਾਂ ਬੈਂਕਾਂ ਨੂੰ ਸਸਤੇ ਕਰਜ਼ੇ ਮਿਲਦੇ ਹਨ ਅਤੇ ਇਹ ਲਾਭ ਗਾਹਕਾਂ ਨੂੰ ਦਿੰਦੇ ਹਨ। ਆਰਬੀਆਈ ਨੇ 2025 ਵਿੱਚ ਚਾਰ ਵਾਰ ਰੈਪੋ ਰੇਟ ‘ਚ 1.25% ਦੀ ਕਟੌਤੀ ਸੀ। ਫਰਵਰੀ 2025 ਵਿੱਚ, ਵਿਆਜ ਦਰਾਂ 6.5% ਤੋਂ ਘਟਾ ਕੇ 6.25% ਕਰ ਦਿੱਤੀਆਂ ਗਈਆਂ ਸਨ। ਮੁਦਰਾ ਨੀਤੀ ਕਮੇਟੀ ਵੱਲੋਂ ਇਹ ਦਰ ਕਟੌਤੀ ਲਗਭਗ ਪੰਜ ਸਾਲਾਂ ਬਾਅਦ ਕੀਤੀ ਗਈ ਸੀ। ਦੂਜੀ ਵਾਰ, ਅਪ੍ਰੈਲ ਦੀ ਮੀਟਿੰਗ ਵਿੱਚ, ਵਿਆਜ ਦਰ ਵਿੱਚ 0.25% ਦੀ ਕਟੌਤੀ ਕੀਤੀ ਗਈ। ਤੀਜੀ ਵਾਰ, ਜੂਨ ਵਿੱਚ, ਆਰਬੀਆਈ ਨੇ ਦਰਾਂ ਵਿੱਚ 0.50% ਦੀ ਕਟੌਤੀ ਕੀਤੀ। ਦਸੰਬਰ ਵਿੱਚ 0.25% ਦੀ ਕਟੌਤੀ ਤੋਂ ਬਾਅਦ, ਵਿਆਜ ਦਰਾਂ ਘੱਟ ਕੇ 5.25% ਹੋ ਗਈਆਂ ਸਨ।
ਇਸ ਤੋਂ ਬਾਅਦ ਇਸ ਸਾਲ ਫਰਵਰੀ 2026 ਵਿੱਚ ਵੀ ਰੈਪੋ ਰੇਟ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਸੀ ਅਤੇ ਆਰਬੀਆਈ ਨੇ ਵਿਆਜ ਦਰ 5.25% ‘ਤੇ ਬਣਾਈ ਰੱਖੀ ਸੀ। ਇਸ ਵਾਰ ਹੁਣ ਅਪ੍ਰੈਲ ਮਹੀਨੇ ਚ ਵੀ ਰੈਪੋ ਰੇਟ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ ਭਾਵ ਕਿ ਇਸ ਵਾਰ ਵੀ ਆਰਬੀਆਈ ਨੇ ਵਿਆਜ ਦਰ 5.25% ‘ਤੇ ਬਣਾਈ ਰੱਖੀ ਹੈ।
