ਸ਼੍ਰੀ ਧਿਆਨਪੁਰ ਧਾਮ ਲਈ ਮੁਫਤ ਬੱਸ ਸੇਵਾ 26 ਜੁਲਾਈ ਨੂੰ
ਗੁਰਦਾਸਪੁਰ, 18 ਜੁਲਾਈ 2025 (ਮੰਨਨ ਸੈਣੀ)। ਸ਼੍ਰੀ ਗੁਰੂ ਮਹਾਰਾਜ ਰਾਮ ਸੁੰਦਰ ਦਾਸ ਜੀ ਦੀ ਪਵਿੱਤਰ ਆਗਿਆ ਅਤੇ ਅਸ਼ੀਰਵਾਦ ਨਾਲ, ਭਗਤਜਨਾਂ ਦੀ ਸਹੂਲਤ ਲਈ 26 ਜੁਲਾਈ, 2025 (ਸ਼ਨੀਵਾਰ) ਨੂੰ ਸ਼੍ਰੀ ਧਿਆਨਪੁਰ ਧਾਮ ਜਾਣ ਲਈ ਮੁਫਤ ਬੱਸ ਸੇਵਾ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਹ ਬੱਸ ਸੇਵਾ ਸੀਤਾ ਰਾਮ ਪੈਟ੍ਰੋਲ ਪੰਪ, ਗੁਰਦਾਸਪੁਰ ਤੋਂ ਸ਼ਾਮ 5:00 ਵਜੇ ਰਵਾਨਾ ਹੋਵੇਗੀ।
ਬੱਸ ਸਭ ਤੋਂ ਪਹਿਲਾਂ ਮੰਦਿਰ ਸ਼੍ਰੀ ਲਾਲ ਦਵਾਰਾ, ਨਵੀਂਪੁਰ ਵਿਖੇ ਦਰਸ਼ਨਾਂ ਲਈ ਰੁਕੇਗੀ। ਇਸ ਤੋਂ ਬਾਅਦ, ਯਾਤਰੀ ਤਪੋ ਭੂਮੀ, ਕਲਾਨੌਰ ਜਾਣਗੇ ਅਤੇ ਅੰਤ ਵਿੱਚ ਸ਼੍ਰੀ ਧਿਆਨਪੁਰ ਧਾਮ ਦੇ ਦਰਸ਼ਨ ਕਰਨਗੇ।
ਸੇਵਾਦਾਰਾਂ ਨੇ ਦੱਸਿਆ ਕਿ ਗੁਰੂ ਮਹਾਰਾਜ ਜੀ ਦੇ ਅਸ਼ੀਰਵਾਦ ਨਾਲ ਉਹ ਇਸ ਤਰ੍ਹਾਂ ਦੀਆਂ ਸੇਵਾਵਾਂ ਨੂੰ ਜਾਰੀ ਰੱਖਣਗੇ। ਇਸ ਮੌਕੇ ਸੇਵਾਦਾਰ ਨਰੇਸ਼ ਕਾਲੀਆਂ, ਸ਼ਿਵ ਪ੍ਰਸਾਦ (ਸਾਬੀ), ਰਾਕੇਸ਼, ਕੁਕੂ, ਵਿਪਨ, ਜੁਗੂ, ਅਮਨ, ਡਿੰਪਲ, ਅਜੇ, ਸੁਭਾਸ਼, ਧਰੁਵ, ਨੰਨਾ, ਅਸ਼ਵਨੀ ਆਦਿ ਹਾਜ਼ਰ ਸਨ।
ਸੰਪਰਕ: ਜੋ ਵੀ ਭਗਤਜਨ ਇਸ ਯਾਤਰਾ ਵਿੱਚ ਸ਼ਾਮਲ ਹੋਣਾ ਚਾਹੁੰਦੇ ਹਨ, ਉਹ ਨਿਰਧਾਰਤ ਸਮੇਂ ‘ਤੇ ਸੀਤਾ ਰਾਮ ਪੈਟ੍ਰੋਲ ਪੰਪ ਜਾਂ ਮੰਦਿਰ ਸ਼੍ਰੀ ਲਾਲ ਦਵਾਰਾ, ਨਵੀਂਪੁਰ ਪਹੁੰਚ ਸਕਦੇ ਹਨ।
