ਗੁਰਦਾਸਪੁਰ, 8 ਸਤੰਬਰ 2023 (ਦੀ ਪੰਜਾਬ ਵਾਇਰ)। ਨਸ਼ੇ ਖਿਲਾਫ਼ ਛੇੜੀ ਗਈ ਮੁਹਿਮ ਦੇ ਤਹਿਤ ਪੁਲਿਸ ਜ਼ਿਲ੍ਹਾ ਗੁਰਦਾਸਪੁਰ ਦੇ ਸੀਆਈਏ ਸਟਾਫ਼ ਵਲੋਂ 150 ਗ੍ਰਾਮ ਅਫ਼ੀਮ, ਕੰਡੇ ਅਤੇ 7 ਹਜਾਰ ਰੂਪਏ ਦੀ ਡਰਗ ਮਨੀ ਸਮੇਤ ਦੋ ਦੋਸ਼ੀਆ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਸ ਸਬੰਧੀ ਥਾਣਾ ਘੁਮਣ ਕਲਾਂ ਪੁਲਿਸ ਵਿੱਚ ਅਨਡੀਪੀਐਸ ਐਕਟ ਤਹਿਤ ਮਾਮਲਾ ਵੀ ਦਰਜ ਕੀਤਾ ਗਿਆ ਹੈ।
ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਐਸਆਈ ਸਤਨਾਮ ਸਿੰਘ ਨੇ ਦੱਸਿਆ ਕਿ ਸੀਆਈਏ ਸਟਾਫ ਦੀ ਟੀਮ ਜਿਸ ਵਿੱਚ ਏਐਸਆਈ ਕਸ਼ਮੀਰ ਸਿੰਘ, ਏਐਸਆਈ ਹਰਜੀਤ ਸਿੰਘ, ਏਐਸਆਈ ਹਰਜਿੰਦਰ ਸਿੰਘ ਸ਼ਾਮਿਲ ਸਨ ਵੱਲੋਂ ਟੀ ਪੁਆਇਂਟ ਲਾਲੋਵਾਲ, ਕਲੇਰ ਪੁਲ ਕੈਲੇ ਕਲਾਂ ਰੋਡ ਤੇ ਮੌਜੂਦ ਸਨ। ਇਸ ਦੌਰਾਨ ਦੋ ਵਿਅਕਤੀ ਮੋਟਰਸਾਇਕਲ ਤੇ ਸਵਾਰ ਹੋ ਕੇ ਆਏ ਅਤੇ ਪੁਲਿਸ ਪਾਰਟੀ ਨੂੰ ਵੇਖ ਕੇ ਇਕਦੱਮ ਮੋਟਰਸਾਈਕਲ ਮੋੜਣ ਲੱਗੇ। ਜਿਸ ਤੇ ਉਨ੍ਹਾਂ ਨੂੰ ਰੋਕ ਕੇ ਉਚ ਅਧਿਕਾਰੀਆਂ ਦੀ ਮੌਜੂਦਗੀ ਵਿੱਚ ਉਨ੍ਹਾਂ ਦੀ ਤਲਾਸ਼ੀ ਦੌਰਾਨ 150 ਗ੍ਰਾਮ ਅਫ਼ੀਮ, ਇੱਕ ਇਲੈਕਟ੍ਰੋਨਿੰਕ ਕੰਡਾ ਅਤੇ 7 ਹਜਾਰ ਰੁਪਏ ਬਰਾਮਦ ਕੀਤੇ ਗਏ ਹਨ।
ਦੋਸ਼ੀਆ ਦੀ ਪਛਾਣ ਰਵਿੰਦਰ ਸਿੰਘ ਪਿੰਡ ਲਾਲੋਵਾਲ ਅਤੇ ਲਵਪ੍ਰੀਤ ਸਿੰਘ ਚੱਕ ਭੰਗਵਾਂ ਦੇ ਤੌਰ ਤੇ ਹੋਈ ਹੈ। ਜਿਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰ ਮਾਮਲਾ ਦਰਜ਼ ਕਰ ਲਿਆ ਗਿਆ ਹੈ।
