ਗੁਰਦਾਸਪੁਰ, 25 ਮਈ (ਮੰਨਣ ਸੈਣੀ)। ਅਖੀਰ ਪੰਜਾਬ ਅੰਦਰ ਬਦਲਾਵ ਦਾ ਹੂਟਰ ਵੱਜ ਹੀ ਗਿਆ ਅਤੇ ਸਰਕਾਰ ਬਦਲਣ ਦੇ ਨਾਲ ਹੀ ਜਿੱਥੇ ਸਾਰੇ ਵਿਭਾਗ ਸੁੱਤ ਨਿੰਦਰੇ ਜਾਗ ਗਏ ਹਨ ਉੱਥੇ ਹੀ ਪਾਵਰਕਾਮ ਦੀ ਵੀ ਅੱਖ ਖੁੱਲ਼ ਗਈ ਹੈ। ਪੰਜਾਬ ਭਰ ਵਿੱਚ ਪਾਵਰਕਾਮ ਵੱਲੋਂ ਜਿੱਥੇ ਬਿਜਲੀ ਚੋਰੀ ਕਰਨ ਦੇ ਮਾਮਲਿਆਂ ਤੇ ਕਾਰਵਾਈ ਕੀਤੀ ਜਾ ਰਹੀ ਹੈ, ਉਥੇ ਹੀ ਗੁਰਦਾਸਪੁਰ ਦੇ ਆਈ.ਟੀ.ਆਈ ਨੇੜੇ ਸਥਿਤ ਇੱਕ ਰੇਸਤਰਾਂ ਤੇ ਵੀ ਵਿਭਾਗ ਵੱਲੋ ਲੱਖਾ ਦਾ ਜੁਰਮਾਨਾ ਕੀਤਾ ਗਿਆ ਹੈ।
ਇਸ ਸੰਬੰਧੀ ਵਿਭਾਗ ਦੇ ਸਬ ਅਰਬਨ ਸਬ ਡਵੀਜਨ ਕਾਰਜਕਾਰੀ ਇੰਜ ਜਤਿੰਦਰ ਸ਼ਰਮਾ ਨੇ ਦੱਸਿਆ ਕਿ ਬਿਜਲੀ ਵਿਭਾਗ ਨੇ ਹੋਟਲ ਮਾਲਿਕ ਨੂੰ 5 ਲੱਖ 15 ਹਜਾਰ ਦਾ ਜੁਰਮਾਨਾ ਲਗਾਇਆ ਹੈ। ਉਹਨਾਂ ਦੱਸਿਆ ਕਿ ਉਕਤ ਮਾਲਕ ਦੇ ਮੀਟਰ ਦੀ ਜਾਂਚ ਜਦੋਂ ਲੈਬ ਤੋਂ ਹੋਈ ਤਾਂ ਉਸ ਦਾ ਮੀਟਰ ਹੋਲੀ ਚਲਦਾ ਪਾਇਆ ਗਿਆ।
