ਗੁਰਦਾਸਪੁਰ, 8 ਅਕਤੂਬਰ 2026 (ਮੰਨਨ ਸੈਣੀ)। ਐਸਐਸਪੀ ਗੁਰਦਾਸਪੁਰ ਆਈਪੀਐਸ ਆਦਿਤਿਯ ਵੱਲੋਂ ਦਿੱਤੇ ਗਏ ਨਿਰਦੇਸ਼ਾਂ ਤਹਿਤ ਜ਼ਿਲ੍ਹਾ ਗੁਰਦਾਸਪੁਰ ਵਿੱਚ ਟਰੈਫਿਕ ਨਿਯਮਾਂ ਦੀ ਪਾਲਣਾ ਕਰਵਾਉਣ ਲਈ ਪੁਲਿਸ ਨੇ ਸਖ਼ਤੀ ਵਰਤੀ ਹੈ। ਟਰੈਫਿਕ ਚਲਾਨਾਂ ਦੀ ਰਿਪੋਰਟ ਅਨੁਸਾਰ 7 ਅਕਤੂਬਰ 2026 ਨੂੰ ਰਾਤ 8 ਵਜੇ ਤੱਕ ਇੱਕ ਦਿਨ ਵਿੱਚ ਕੁੱਲ 146 ਚਲਾਨ ਅਤੇ ਕਾਰਵਾਈਆਂ ਦਰਜ ਕੀਤੀਆਂ ਗਈਆਂ, ਜਿਨ੍ਹਾਂ ਵਿੱਚ 4 ਵਾਹਨ ਇੰਮਪੌਂਡ ਵੀ ਕੀਤੇ ਗਏ ਹਨ।
ਰਿਪੋਰਟ ਮੁਤਾਬਕ ਸਭ ਤੋਂ ਵੱਧ 34 ਚਲਾਨ ਬਿਨਾਂ ਹੈਲਮੇਟ ਵਾਲਿਆਂ ਦੇ ਹੋਏ, ਜਦਕਿ ਗਲਤ ਪਾਰਕਿੰਗ ਦੇ 25 ਚਲਾਨ ਕੱਟੇ ਗਏ। ਬਿਨਾਂ ਲਾਇਸੈਂਸ ਅਤੇ ਤਿੰਨ ਸਵਾਰੀਆਂ ਬਿਠਾਉਣ ਦੇ 14-14 ਚਲਾਨ ਹੋਏ, ਜਦਕਿ ਇਸ਼ਾਰੇ (ਸਿਗਨਲ) ਦੀ ਉਲੰਘਣਾ ਦੇ 13 ਚਲਾਨ ਕੀਤੇ ਗਏ।
ਇਨ੍ਹਾਂ ਤੋਂ ਇਲਾਵਾ ਬਿਨਾਂ ਨੰਬਰ ਪਲੇਟ ਦੇ 12, ਬਿਨਾਂ ਬੀਮੇ (ਇੰਸ਼ੋਰੈਂਸ) ਦੇ 10, ਕਾਲੀ ਫ਼ਿਲਮ ਦੇ 8 ਅਤੇ ਬਿਨਾਂ ਸੀਟ ਬੈਲਟ ਦੇ 7 ਚਲਾਨ ਹੋਏ। ਪਟਾਕੇ ਮਾਰਨ ਵਾਲੇ ਬੁਲਟ ਸਾਈਲੈਂਸਰਾਂ ਦੇ 4 ਅਤੇ ਬਿਨਾਂ ਪ੍ਰਦੂਸ਼ਣ ਸਰਟੀਫਿਕੇਟ ਦਾ 1 ਚਲਾਨ ਕੀਤਾ ਗਿਆ।
ਟਰੈਫਿਕ ਯੂਨਿਟ ਸਭ ਤੋਂ ਅੱਗੇ
ਯੂਨਿਟਾਂ ਵਿੱਚੋਂ ਸਭ ਤੋਂ ਵੱਧ 31 ਕਾਰਵਾਈਆਂ ਟਰੈਫਿਕ ਯੂਨਿਟ ਵੱਲੋਂ ਕੀਤੀਆਂ ਗਈਆਂ। ਇਸ ਯੂਨਿਟ ਨੇ ਗਲਤ ਪਾਰਕਿੰਗ ਦੇ 10, ਬਿਨਾਂ ਹੈਲਮੇਟ ਦੇ 7, ਬਿਨਾਂ ਨੰਬਰ ਪਲੇਟ ਦੇ 5, ਤਿੰਨ ਸਵਾਰੀਆਂ ਦੇ 3 ਅਤੇ ਬੁਲਟ ਸਾਈਲੈਂਸਰ ਦੇ 2 ਚਲਾਨ ਕੀਤੇ, ਨਾਲ ਹੀ 4 ਵਾਹਨ ਇੰਮਪੌਂਡ ਕੀਤੇ।
ਪੀ.ਸੀ.ਆਰ ਵੱਲੋਂ 19 ਚਲਾਨ ਕੀਤੇ ਗਏ, ਜਿਨ੍ਹਾਂ ਵਿੱਚ ਕਾਲੀ ਫ਼ਿਲਮ ਦੇ 5, ਬਿਨਾਂ ਹੈਲਮੇਟ ਦੇ 4 ਅਤੇ ਬਿਨਾਂ ਨੰਬਰ ਪਲੇਟ ਦੇ 3 ਚਲਾਨ ਸ਼ਾਮਲ ਹਨ।
ਥਾਣਾ-ਵਾਰ ਅੰਕੜੇ
ਥਾਣਿਆਂ ਦੀ ਗੱਲ ਕਰੀਏ ਤਾਂ ਥਾਣਾ ਸਦਰ ਅਤੇ ਥਾਣਾ ਕਾਹਨੂੰਵਾਨ ਵੱਲੋਂ 12-12 ਚਲਾਨ ਕੀਤੇ ਗਏ। ਥਾਣਾ ਬਹਿਰਾਮਪੁਰ ਨੇ 10 ਚਲਾਨ ਕੀਤੇ। ਥਾਣਾ ਕਲਾਨੌਰ, ਧਾਰੀਵਾਲ, ਦੀਨਾਨਗਰ ਅਤੇ ਘੁਮਣਕਲਾ ਵੱਲੋਂ 8-8 ਚਲਾਨ ਕੀਤੇ ਗਏ। ਸਿਟੀ ਗੁਰਦਾਸਪੁਰ ਅਤੇ ਥਾਣਾ ਦੋਰਾਂਗਲਾ ਵੱਲੋਂ 7-7, ਥਾਣਾ ਪੁਰਾਣਾ ਸਾਲਾ ਵੱਲੋਂ 6, ਜਦਕਿ ਥਾਣਾ ਤਿੱਬੜ ਅਤੇ ਭੈਣੀ ਮੀਆਂ ਖਾਂ ਵੱਲੋਂ 5-5 ਚਲਾਨ ਕੀਤੇ ਗਏ।
ਕੁਝ ਥਾਣਿਆਂ ਦੇ ਅੰਕੜੇ ਕਿਸੇ ਇੱਕ ਉਲੰਘਣਾ ’ਤੇ ਕੇਂਦਰਿਤ ਰਹੇ। ਥਾਣਾ ਪੁਰਾਣਾ ਸਾਲਾ ਦੇ ਸਾਰੇ 6 ਚਲਾਨ ਇਸ਼ਾਰੇ ਦੀ ਉਲੰਘਣਾ ਦੇ ਹਨ, ਜਦਕਿ ਥਾਣਾ ਘੁਮਣਕਲਾ ਦੇ 8 ਚਲਾਨਾਂ ਵਿੱਚੋਂ 4 ਬਿਨਾਂ ਹੈਲਮੇਟ ਅਤੇ 4 ਇਸ਼ਾਰੇ ਦੀ ਉਲੰਘਣਾ ਦੇ ਹਨ। ਥਾਣਾ ਧਾਰੀਵਾਲ ਵਿੱਚ ਬਿਨਾਂ ਹੈਲਮੇਟ ਦੇ 3, ਤਿੰਨ ਸਵਾਰੀਆਂ ਦੇ 2 ਅਤੇ ਗਲਤ ਪਾਰਕਿੰਗ ਦੇ 3 ਚਲਾਨ ਹੋਏ।
